ක්ලබ් වසන්ත වෙඩි තබා ඝාතනය කරයි. කේ. සුජීවාට බරපතලයි
අතුරුගිරියේ ඔරුවල ව්‍යාපාරික ස්ථානයක සිදුවූ වෙඩි තැබීමකින් සුරේන්ද්‍ර වසන්ත පෙරේරා හෙවත් ‘ක්ලබ් වසන්ත’ මිය ගොස් තිබේ. ඔහු සමග සිටි ජනප්‍රිය ගායිකා කේ සුජීවා ඇතුළු 6 දෙනෙකු මෙම වෙඩි තැබීමෙන් තුවාල ලබා ඇතැයි වාර්තා වේ.
වෙඩි වැදුණ කේ සුජීවාගේ තත්වය බරපතල බවද වාර්තා වේ. තුවාල ලැබූ අය අතුරුගිරිය සහ හෝමාගම රෝහල්වලට ඇතුළත් කර ඇති අතර, මේ වන විට කේ සුජීවා කොළඹ ජාතික රෝහලට මාරු කර යවා ඇති බව වාර්තා වේ. වෙඩි තැබීමෙන් තුවාල වූ සිව් දෙනෙකු හෝමාගම රෝහලටත්, දෙදෙනෙකු අතුරුගිරිය රෝහලටත් ඇතුළත් කර තිබුණි.
වෙඩි තැබූ අය පළාගොස් ඇති අතර, පොලිසිය ඔවුන් ගැන පරීක්ෂණ අරඹා තිබේ.
