පාතාල සැකකරුවන් කියා අත්අඩංගුවට ගත් දහදෙනා මෙන්න…
සංවිධානාත්මක අපරාධ මැඩලීමේ විශේෂ මෙහෙයුමක් මගින් ඊයේ තවත් පාතාල අපරාධවලට සම්බන්ධිත බවට සැක කෙරෙන පුද්ගලයින් 10 දෙනෙකු අත්අඩංගුවට ගෙන ඇති බව පොලීසිය පවසයි.
සැකකරුවන් අත්අඩංගුවට ගෙන ඇත්තේ රත්මලාන, මට්ටක්කුලිය, වත්තල. කොළඹ 12, කොලොන්නාව, ගනේමුල්ල සහ ඌරගස්මංහන්දිය යන ප්‍රදේශවලිනි.
ඔවුන් පාතාල අපරාධකරුවන් ලෙස සැලකෙන ‘කුඩු අංජු’, ‘දෙමටගොඩ චමින්ද’, ‘කංජිපානි ඉම්රාන්’, ‘කෙසෙල්වත්තේ දිනුක’, ‘ලඩියා’, සහ ‘කොස්ගොඩ සුජී’ යන අයගේ සමීපතමයන් බව පැවසේ.
බස්නාහිර සහ දකුණු පලාත්වල සංවිධානාත්මක අපරාධ ඉහළ යාමට ප්‍රතිචාර වශයෙන් රට පුරා හඳුනාගත් සංවිධානාත්මක අපරාධ කල්ලි 20 ක් ඉලක්ක කරගෙන ‘යුක්තිය’ වැඩසටහන යටතේ පසුගිය අඟහරුවාදා (19) විශේෂ මෙහෙයුමක් ක්‍රියාත්මක විය.
