යළි රිමාන්ඩ් වූ කෙහෙලියට හුස්ම හිරවෙයි
හිටපු සෞඛ්‍ය අමාත්‍ය කෙහෙලිය රඹුක්වැල්ල තවත් සති දෙකක කාලයක් සඳහා රක්ෂිත බන්ධනාගාරගත කිරීමට මාලිගාකන්ද මහේස්ත්‍රාත් අධිකරණය විසින් ඊයේ නියෝග කරන ලදී.
ප්‍රශ්නගත මානව ප්‍රතිදේහ එන්නත් ගනුදෙනුව සම්බන්ධයෙන් හිටපු සෞඛ්‍ය ඇමති ඇතුළු සෙසු සැකකරුවන් හය දෙනාම පෙබරවාරි 29 වන දක්වා මෙසේ රක්ෂිත බන්ධනාගාර ගත කර ඇත.
කෙහෙලිය රඹුක්වැල්ල සම්බන්ධයෙන් පෙනී සිටි නීතිඥවරයා අධිකරණයේ දී කියා සිටියේ තම සේවාදායකයා නින්දෙන් හුස්ම හිරවීමේ රෝගී තත්ත්වයකින් පෙලෙන බවත් එවන් අවස්ථාවක දී කෘතිම ඔක්සිජන් ලබාදිය යුතු බවත්ය.
එමෙන්ම තවත් රෝගී තත්ත්ව කිහිපයක්ම ඇති නිසා බන්ධනාගාරයේ එම රෝගී තත්ත්වයට ප්‍රතිකාර ලබා දිය නොහැකි බවත් ඔහු පෙන්වා දුන්නේය.
