Red Notice යෙදූ කන්ටේනර් බහාලුම් පරීක්ෂාවකින් තොරව මුදා හැරියේ ආණ්ඩුකාරගේ නිසා ද?

අනිවාර්ය පරීක්ෂාවට ලක්විය යුතු කන්ටේනර් බහාලුම් 323ක් කිසිදු පරීක්ෂාවකින් තොරව නිදහස් කළ බව පසුගිය ජනවාරි 21 වෙනිදා සමාජගත විය. එහිදී මාධ්‍ය හමුවක් කැඳවා කරුණු පැහැදිලි කළ රේගු නිළධාරී සංගමයේ සභාපති අමිල සංජීව අවධාරණය කළේ, මෙලෙස පරීක්ෂාවකින් තොරව රේගුවෙන් පිටකර ඇත්තේ, කුඩුද?, ආයුධද?, වෙනත් නීතිවිරෝධි දේවල්ද? කියා තහවුරු කරගැනීමට නොහැකි බවය. ජනවාරි 23 වන දින මීට ප්‍රතිචාර දැක්වූ වරාය හා සිවිල් ගුවන්සේවා නියෝජ්‍ය අමාත්‍ය ජනිත රුවන් ජයකොඩි කියා සිටියේ එවැනි නීතිවිරෝධී ද්‍රව්‍යයක් පිටවී ඇතැයි හෙළිවුවහොත් එහි වගකීම රජය භාර ගන්නා බවය.

මෙසේ පිට කරන ලද කන්ටේනර් බහාලුම් Red Notice දමා තිබූ එනම්, අනිවාර්යයෙන් පරීක්ෂා කළ යුතු ඒවා බව වාර්තා වේ. රේගු පරීක්ෂාවේ දී රතු, කොළ සහ කහ වර්ණවලින් කියවෙන්නේ අවදානමේ ප්‍රමාණයයි. රතු වර්ණයෙන් අවදානම් සහගත සහ අනිවාර්යයෙන් පරීක්ෂා කළ යුතු බව කියවෙන කන්ටේනර් බහාලුම්ද, කොළ පැහැයෙන් අවදානම් රහිත සහ කහ පැහැයෙන් ස්කෑන් පරීක්ෂාවක් කළ යුතු බව ද කියවෙයි.

මුද හරින ලද කන්ටේනර් කුඩු හෝ, ආයුධ හෝ, වෙනත් තහනම් ද්‍රව්‍යයක් හෝ අඩංගු බව පවසා ආනයනය කළ ඒවා නොවේ. මේවා තුළ යම් තහනම් භාණ්ඩයක් හෝ ද්‍රව්‍යයක් ඇත්තම් ඒ තිබෙන්නේ ආනයනය කළ භාණ්ඩ අතර සූක්ෂමව සඟවා ය. වරායේ ගේට්ටුවෙන් පිට කරන ලද බහාලුම් වලින් Red Notice දමා තිබූ බහාලුම් විවෘත කර, එවන් නීති විරෝධී ද්‍රව්‍ය තිබුණේ නම් සඟවා දමන්නට කාලය ඕනෑ තරම් තිබිණ. මන්ද මේ බහාලුම් 323 පැය 2ක් වැනි කෙටි කාලයකදී මුදා හැර තිබුණේ, පසුගිය ජනවාරි 17 සහ 18 දෙදිනය තුළ ය.

මේ සිදුවීම ගැන මාධ්‍ය හමුවේ පැවසූ දේට වැඩි යමක් රේගු වෘත්තීය සමිති සන්ධානය 2025.01.21 වන දිනම ලිඛිතව රේගු අධ්‍යක්ෂ, ජ්‍යෙෂ්ඨ නියෝජ්‍ය අධ්‍යක්ෂ, නියෝජ්‍ය රේගු අධ්‍යක්ෂ අභ්‍යන්තර කටයුතු ඒකකය වෙත ලිපියක් යොමු කර තිබුණේය. එහි ප්‍රධාන ශීර්ෂය තුළින්ම මෙම සිදුවීමේ බරපතලකම නිවැරදිව හඳුනාගත හැකිය.

‘ව්‍යාජ බහාලුම් තදබදයක් මවා පෑමෙන් සහ එලෙස කෘතිමව ඇති කරන ලද දිගු ආනයනික බහාලුම් පෝලිමට මුවා වී අවදානම් කළමණාකරන නිර්ණායකවලට පටහැනිව බහාලුම් මුදා හැරීම හා එලෙස බහාලුම් මුදාහැරීම මගින් රාජ්‍යයට හිමිවිය යුතුව තිබූ රාජ්‍ය ආදායම අහිමි කිරීම සහ සමාජ ආරක්ෂණයට එරෙහිව සිදුකළ සාපරාධී අපරාධයක් පිළිබඳ විමර්ශනයක් සිදු කිරීම’ එම ශීර්ෂයයි.

එහි අවධානයට ලක්කර තිබූ කරුණු 5ද ඉතාම වැදගත්ය.

• මෙම බහාලුම් අවදානම් කළමණාකරන අංශය මගින් Red/ Amber Channel යටතේ අවදානම් ලෙස හඳුනා ගනු ලැබූ අනිවාර්ය පරීක්ෂාවට ලක්විය යුතු බහාලුම් බවට නිගමනය කර තිබීම.

• අවදානම් කළමණාකරන නිර්නායක මගහැර භාණ්ඩ මුදා හැරීම තුළින් අවදානම් කළමණාකරන නිර්නායක නොසලකා හැරීම.

• එලෙස අවදානම් ලෙස හඳුනාගත් බහාලුම් කිසිදු පරික්ෂාවකින් තොරව මුදා හැරීම නිසා රාජ්‍ය බදු ආදායම අහිමිවීම, අන්තරායකර සහ තහනම් භාණ්ඩ මහජනතාව වෙත මුදා හැරීම සහ වෙළඳ ප්‍රජාව තුළ තෝරාගත් පිරිසකට අනවශ්‍ය වාසියක් ලැබීම.

• මෙතෙක් අවදානම් කළමණාකරන නිර්නායක අනුව කඩිනමින් නිශ්කාෂණය කළ බහාලුම් අනවශ්‍ය ලෙස ප්‍රමාද කොට පෝලිම් ගසා කෘතිම ගැටළුවක් නිර්මාණය කර ඒ හරහා ඇතැම් කූඨ ආනයනකරුවන්ට, බහාලුම් ප්‍රවාහන රථ හිමිකරුවන්ට සහ ජාවාරම් මෙහෙයවන වාප්පු ලිපිකරුවන්ට මහජන මුදල් ගසා කෑමට අවශ්‍ය පසුබිම නිර්මාණය කිරීම.

• අදාළ බහාලුම් 323 හි ඇතැම් ආනයනකරුවන්ට සහ භාණ්ඩ නිශ්කාෂන ආයතනවලට රේගු වැරදි සම්බන්ධයෙන් මීට පෙර අවස්ථාවලදී දණ්ඩන පමුණුවා තිබීම සහ එම දත්ත තිබියදී ඒවා නොසලකා හරිමින් බහාලුම් මුදා හැරීම.

මෙම කන්ටේනර් බහාලුම් මුදාහැරීම සම්බන්ධයෙන් ජාතික ජන බලවේග ආණ්ඩුවට සම්බන්ධ ආණ්ඩුකාරවරයෙකුගේ නම ද කියවේ. ඔහු නම් කුප්‍රකට ව්‍යාපාරිකයෙක් වන හනීෆ් යූසුප් ය. මෙසේ රතු සටහන් යෙදූ කන්ටේනර් බහාලුම් බොහොමයක් ඔහුට අයත් ඒවා බව අභ්‍යන්තර ආරංචි මාර්ග කියයි. එය සැබෑවක් නම් වංචාව සහ දූෂණයට එරෙහිව මරහඬ තැලූ අනුර කුමාර දිසානායක ප්‍රමුඛ මාලිමා ආණ්ඩුව ගැන අප කිව යුත්තේ කුමක් ද?අනිවාර්ය පරීක්ෂාවට ලක්විය යුතු කන්ටේනර් බහාලුම් 323ක් කිසිදු පරීක්ෂාවකින් තොරව නිදහස් කළ බව පසුගිය ජනවාරි 21 වෙනිදා සමාජගත විය. එහිදී මාධ්‍ය හමුවක් කැඳවා කරුණු පැහැදිලි කළ රේගු නිළධාරී සංගමයේ සභාපති අමිල සංජීව අවධාරණය කළේ, මෙලෙස පරීක්ෂාවකින් තොරව රේගුවෙන් පිටකර ඇත්තේ, කුඩුද?, ආයුධද?, වෙනත් නීතිවිරෝධි දේවල්ද? කියා තහවුරු කරගැනීමට නොහැකි බවය. ජනවාරි 23 වන දින මීට ප්‍රතිචාර දැක්වූ වරාය හා සිවිල් ගුවන්සේවා නියෝජ්‍ය අමාත්‍ය ජනිත රුවන් ජයකොඩි කියා සිටියේ එවැනි නීතිවිරෝධී ද්‍රව්‍යයක් පිටවී ඇතැයි හෙළිවුවහොත් එහි වගකීම රජය භාර ගන්නා බවය.

මෙම කන්ටේනර් බහාලුම් මුදාහැරීම සම්බන්ධයෙන් ජාතික ජන බලවේග ආණ්ඩුවට සම්බන්ධ ආණ්ඩුකාරවරයෙකුගේ නම ද කියවේ. ඔහු නම් කුප්‍රකට ව්‍යාපාරිකයෙක් වන හනීෆ් යූසුප් ය. මෙසේ රතු සටහන් යෙදූ කන්ටේනර් බහාලුම් බොහොමයක් ඔහුට අයත් ඒවා බව අභ්‍යන්තර ආරංචි මාර්ග කියයි. එය සැබෑවක් නම් වංචාව සහ දූෂණයට එරෙහිව මරහඬ තැලූ අනුර කුමාර දිසානායක ප්‍රමුඛ මාලිමා ආණ්ඩුව ගැන අප කිව යුත්තේ කුමක් ද?