SLCL පළාත් ලීග් පළමු තරගවාරයේ ශූරතාවය තඹපණ්ණි ස්කොපියෝස් කණ්ඩායමට

SLCL පළාත් ලීග් පළමු තරගවාරයේ අවසන් මහා තරගය උණුසුම් මුහුණුවරක් ගනිමින් පසුගියදා පැවැත්වුණු අතර, එහිදී තඹපණ්ණි ස්කොපියෝස් කණ්ඩායම (Scorpios by Thambapanni) යූ.ඒ.ඊ. ලයන්ස් (Uae lions) කණ්ඩායම පරාජය කරමින් ශූරතාවය දිනා ගැනීමට සමත් විය.

තරගයේ කාසියේ වාසිය දිනාගත් තඹපණ්ණි ස්කොපියෝස් කණ්ඩායමේ නායක කිංකිණි ගමගේ පළමුව පන්දුවට පහර දීමට තීරණය කළේය. ඒ අනුව ඔවුන් නියමිත ඕවර 20 අවසානයේදී කඩුලු 8ක් දැවී ලකුණු 161ක් රැස්කර ගත්තේය. පිළිතුරු ලෙස යූ.ඒ.ඊ. ලයන්ස් කණ්ඩායම ඕවර 19.1කදී සියලුම ක්‍රීඩකයින් දැවී රැස්කර ගත හැකි වූයේ ලකුණු 125ක් පමණි. ඒ අනුව තඹපණ්ණි ස්කොපියෝස් කණ්ඩායම ලකුණු 36ක පහසු ජයක් ලබා ගත්තේය.

තරගාවලියේ වීරයා ලෙස මොහොමඩ් හලාන් සම්මාන ලැබූ අතර, තරගාවලියේ හොඳම පන්දු යවන්නා ලෙස චරිත් දිසානායක සම්මාන ලැබීය. අවසන් මහා තරගයේ වීරයා ලෙසට ද චරිත් දිසානායක සම්මාන ලැබූ අතර, අවසන් මහා තරගයේ හොඳම පිතිකරුවා ලෙස මොහොමඩ් හලාන් ද, අවසන් මහා තරගයේ හොඳම පන්දු යවන්නා ලෙස චරිත් දිසානායක ද සම්මාන ලැබීය.